Pooscheseminar 28-03.04.2015

Dåt JEV Pooscheseminar, wat aks iir oufhölen wård, wus jarling önj Tulcea/ Rumänien foone 28. bit tu e 03. marts 2015 bai e CTArm. E Seminar heet e titel „Erwecke deine Identität“. Di jarste dai wus derfor toocht, dåt ål efter e lung rais önjkaame kön. Di näjste dai as dåt program offiziel önjfångt ma en dråwen ma hiisige politikere. Deerefter heewe we en Flashmob önjt teooter mout. Üüs unnerne heewe we awn lajt büüt föng ma wat we tue Donau Delta kjart san. De een wuus dan jü welkiimensparty.... Lees mähr →

Harfstseminar 2013 önj Ungarn

Dåt harfstseminar foon e JEV wus jarling önj e näide foon Pécs/ Fünfkirchen bai e tjüsch manertål önj Ungarn än häi dåt tema „Suner Gränse“. Tuhuupe heewe jam Berit as JEV-stjöör än Svenja as Rökefloose ma fliinjer än boon aw e wäi mååged. Eefter 15 stüne kömen we bai et iidülisch, ma buume önj brükete harfstblaie amjeewene, mülj önj. Tu e ofiziäl emfång as en ungarisch bloosmusiikfloose tuhuupe ma tradisjoonäle doonsere aptrin. Deereefter wus dan wi‘ di bekånde exchange mårket, weer da manertåle ja ma infomateriool än regionale besunerhäide präsentiire... Lees mähr →

RÖKEFLOOSE KIISET NAI STJÖR

Önj e Juuni heet e Lasmootefersoomling foon e Rökefloose e.V. et nai stjör kiiset. Et stjör fort näist iir bestoont üt: Ilwe Boysen (formoon), Elke Boysen (2. forwüset), Sieke Peters (punghüüljer), Berit Nommensen (baisater), Eyla Both (baisater) än Jenny Jürgensen (baisater).

Puaskseminar 2013 uun Grou

Det juar hää a waastfresk manerhaid FYK tu’t puaskseminar uun Grou nuadigt. A Rökefloose as mä Jenny Jürgensen, Berit Nommensen, Marlene Christiansen, Sieke Peters an en nei gesicht, Svenja Schüle, tu waastfresklun keerd. Det teema faan’t seminar wiar „ConneXt!“, huar sjauer onerskiaselk workshops tu uunbeeden wurden san. Uun’t program wiar för arken wat diarbi. Di söndai san wi altumaal tu hööw gingen, huar di prääster üüb ingelsk, sjiisk an wastfreesk pretjet hää. Leederhen jääw det noch en tuur mä en buat troch a kanaalen trinjnam Grou an diartu noch föl... Lees mähr →

Manerhäide än tuurismus

Önj e foodermoune lååsiden da nordslaswikere tu en ütprung awt ailönj Röm mat teema ”Twasche kultuur än kåmerts – manerhäide än tuurismus”. Heer diskutiird e Rökefloose tuhuupe ma kaschuube, söödtiroolere, sorbe, burgenlönjkroaate än e nordslaswikere am e frååge, weer e tuurismus gödj for e manerhäide as, än hü huum jüst ma e manerhäid wiirwe koon. Wat spoos wus bai e süwat 30 junge manschne üt Euroopa uk åltens ma bai. Sü stöön stroonsilen, en fåårt ma e haingstewoin än et heef ma awt program.

Rökefloose kiiset nai stjör

Di 4. Juuni 2011 heet e Lasmootefersoomling foon e Rökefloose e.V. et nai stjör kiiset. Et stjör fort näist iir bestoont üt: Momme Nommensen (formoon), Ilwe Boysen (2. formoon), Jenny Jürgensen (punghüüljer), Helen Christiansen (baisater), Jana Ewaldsen (baisater) än Sieke Peters (baisater).

Manerhäide önj Europa

Önj Hannover wörd diheere samer en nai manerhäide projäkt önjfångd, wat foon e mörhäid ütgungt. Et seminaar, wat önj e Stephansstift, önjt tsäntrum for wåksnebiling, wus, schal e önjfång for en neetwärk weese, wat ai bloots da manerhäide, ouers uk e mörhäid ma da manerhäide ferbant. Bait seminaar wjarn ai bloots da frasche, ouers uk kaschuube üt Poolen, ungarntjüsche än e tjüsch manerhäid üt Belgien wjarn ma deerbai. Önjfångd heet åles ma presentatsjoone foon e ünlike manerhäide än diskusjoone, hü huum manerhäide definiire koon, deerfoon gäng et dan widere tu... Lees mähr →

Floiten for amatööre

Twasche 29 schäip, twäär haingste än en lait frisch loonluft wus jarling et Voices of Europe önj Ingelum önj Weestfraschlönj. En waag lung lüpen arken däi eedermjarns da 30 motiwiirde diiljnaamere as da gäis foon jare unerkamst tu e schörk önj Ingelum. Arken däi ööwed e koor önj e schörk. Önj bloot en påår deege schölj e schungfloose möre stöögne inööwe. Di clue…arks manerhäid, wat diiljnüm, heet en sung önj san äinen spräke üt e hiimstoun mabroocht. Besuners swåår wus et tum biispel en spreeg e kaschubische sung üt Poolen... Lees mähr →

« Ålere beruchte