Gölj – rüüdj – ween: da friiske blaie

Da frasche san tubai da dånsche, da sorbe än da sinti/roma jü fiird ofitsjäl önjerkånd natsjonaal manerhäid önj e Föderaal Republiik Tjüschlönj. Ja laawe önj e kris Nordfraschlönj än awt ailönj Hålilönj bai e weestküst önjt lönj Slaswig-Holstiinj. Da frasche wårde sunt 1990 ofitsjäl schööld än stiped eefter artiikel 5 önj e loonsferfooting.

E friiske spräke as et wichtist identifikatsjoons-kåntiiken for da nordfrasche. Süwat 10000 manschne snååke di spräke aktiif. Et frasch as apnümen wörden önj e Europäisch Charta for reginaal- unti manerhäidespräke.

Et poliitisch årbe wård dräägen foon e Frasche Rädj, dåt san tiin manschne, wat åle frasche foriininge än organisatsjoone repräsentiire. E Frasche Rädj fertreet da frasche ouerfor e bund, et lönj, e kris än e gemiinde. Sunt 1988 bestoont et “Gremium für Fragen der friesischen Bevölkerungsgruppe im Lande Schleswig-Holstein” e ferbining tu e politiik än ferwålting, ai bloot önj e loondäi. Heer wård tou tooche önjt iir präiwed än liis probleeme for e frasch manerhäid.

foon: friiske.de