Fründschapspal iinj e soorbe

DIGITAL CAMERAFoon e 15ste bit 17ste august gäng et for e nordfrasche wüstefötjbål-nasjonaalfloose tuhuupe ma management, kluusepååser än Sibylle (e wüset önjt nawigatsjoonsgeräät) eefter e näide foon Bautzen tu e soorbisch manerhäid. Önj e rååme foon “Voices of Europe”, wat jüst önj Räckelwitz stää fün, jäif et en spal twasche da frasche än en wüstefloose foon e soorbe. Et wus en spånen spal, uk wan et fründschapspal foon e ouder sid tidwis bili for ålwer nümen wörd. E ruchter önjtschååsd önj e leest minuute en 2:1 for e soorbe, weegen en ünbestääsiden fäägel foon e nordfrasche floose.
Di een wörd e frasche floose dan foon e Voices diilnaamere tu en kontsert lååsid, weer ham e ruchter ma en budel säkt önjtschülid än tujäif: “Ik hääw fort jarst tooch floited”. Di läädere mjarn schönj da frasche eefter en kort nåcht adiis tu jare naie waane seede, natöörlik ai suner ja for en rewångsch eefter Nordfraschlönj tu lååsien. We froie üs ål aw jarnge besäk!

Comments are closed.