YLS Harfstseminar 2007 – Skylge/Westfraschlönj

yls20071

E Rökefloose wus uk tut YLS (Youth Leader Seminar) 2007 awt ailönj Skylge, bai üüs waane foon e weestfrasch manerhäid, wi ma derbai. Et seminåår wus foon e 16.-21. oktoober än we wjarn twane foon 73 diiljnaamere üt 17 ünlike europääische lönje. Et teema dåtheer tooch wus: `Manerhäid = / ≠ Ailönje`. Südänji hääwe we foole am e spräke (weestfrasch) än jare årbe ma e tuurismus, schölj (traspräki) än aktuäle meedie tu waasen füngen. Da weestfrasche hääwe’t schååfd än bag en gou struktuur ap, wat we än oudere europääische manerhäide as en forbil naame koone, ålikewälj san´s natörlik nuch ai tufreese än wan mör, huum wal dåt ai?
Natörlik san we uk iinjsen rüt kiimen än hääwe Skylge foon boowen bit deele bekiiked. Uk wan et heer än deer äänlik as bai üs as, sü as et duch ai dåtseelew.
E weestfrasch kultuur heet uk ai aw har täiwe leet än sü hääwe we säis, praiselbaie än bråmen smååged. We hääwe liird, hü huum önj Weestfraschlönj följkdoons mååget unti hü´t modärn „hopping“ funktsjooniirt.
E nai struktuur foon e YEN (Youth of European Nationalities) wus natörlik uk wi en teema, än sü hääwe we ma oudere am e organisatsjoonsönjtwakling snååked.  Hü´t stjör foon e YEN tachter tu e ainkelte organisatsjoone kamt tum biispel unti uk amt inruchten foon årbesfloose.

Tuleest koon huum bloots wi seede, dåt we foole liird än sänj hääwe än ordi spoos häin.

Än for åål da, wat mör waase wan: www.yls2007.eu/ ,www.yeni.org

yls20072

Marlene bai üüsen stoont bai e exchange market

Comments are closed.