Et jarst Rökefloose logo!

E noome „Rökefloose“ seet ham üt da biise uurde „rök“ än „floose“ tuhuupe.

Sunt üüljingstide jült jü rök önj e mütoloogii foon da frasche as hilien föögel än et wård säid, dåt en rök aw jare üülje foone tu schüns wus. As ham nü en floose junge manschne tuhuupe fün, am wat for’t frasch aw frasch tu douen, noomden ja jare feriin „Rökefloose“. Di noome schal wise, dåt di feriin önj sin årbe frasche traditioone än rötje aw en natörliken wäi widerlaawe lätje wal.

E Rökefloose än sin müülje:

Di feriin bestoont for’t mååst üt junge än jungblaawene manschne, wat ma jare årbe for ålem bjarne än junge manschne wise wan, dåt et frasch en spräke as, wat laawet än deeram uk gåns natörlik önj jare däisluup brüket wåårde koon.

Di feriin wal diil heewe än pårt weese foon dåt årbe, wat uk oudere feriine önj fraschlönj for’t frasch mååge.

Wat e Rökefloose mååget:

E Rökefloose büt ünlike möölikhäide, frasch tu belaawen: spoort, teooter, bjarne- än ålerneräise, bjarnefääste än oudere kulturelle aktiwitääte.