Harfstseminar 2013 önj Ungarn

JLS2013Dåt harfstseminar foon e JEV wus jarling önj e näide foon Pécs/ Fünfkirchen bai e tjüsch manertål önj Ungarn än häi dåt tema „Suner Gränse“. Tuhuupe heewe jam Berit as JEV-stjöör än Svenja as Rökefloose ma fliinjer än boon aw e wäi mååged. Eefter 15 stüne kömen we bai et iidülisch, ma buume önj brükete harfstblaie amjeewene, mülj önj.

Tu e ofiziäl emfång as en ungarisch bloosmusiikfloose tuhuupe ma tradisjoonäle doonsere aptrin. Deereefter wus dan wi‘ di bekånde exchange mårket, weer da manertåle ja ma infomateriool än regionale besunerhäide präsentiire köön.

Deer wörden twäär årbedsfloose tut tema önjbin än önj da ünlike årbedsfloose foon e JEV kö huum uk maårbe. Önj e årbedsfloose „Ma unti Suner Gränse“ heewe we üs am da gödje än hiinje side foon üüs än oudere manertåle unerhüüljn än huum ja inwirke koon.

Eefter en lung Council of Members köön we di leeste een önj Fünfkirchen bait biirfäst än önj Gereschlak bait  jeestknöödel-fäst fiire.

Önjt gehiil wus et en luked harfstseminar ma maning nate manschne än we froie üs aw dåt näist seminar tu poosche bai e tjüsch manertål önj Polen!

 

Comments are closed.