Puaskseminar 2013 uun Grou

Det juar hää a waastfresk manerhaid FYK tu’t puaskseminar uun Grou nuadigt. A Rökefloose as mä Jenny Jürgensen, Berit Nommensen, Marlene Christiansen, Sieke Peters an en nei gesicht, Svenja Schüle, tu waastfresklun keerd.

Det teema faan’t seminar wiar „ConneXt!“, huar sjauer onerskiaselk workshops tu uunbeeden wurden san. Uun’t program wiar för arken wat diarbi. Di söndai san wi altumaal tu hööw gingen, huar di prääster üüb ingelsk, sjiisk an wastfreesk pretjet hää. Leederhen jääw det noch en tuur mä en buat troch a kanaalen trinjnam Grou an diartu noch föl mögelkhaiden auer manerhaiden tu snaakin. Am enööder käänen tu liaren, wiar ään faan a iarst iinjer „Minority Speed Dating“ an „Indoor Sport“ üüb program.

En ütjfluch ging tu Ljouwert, huar’am bi en stäädspal kreativ an gans föl desag bilen maage skul. Det grats üüb program wiar natüürelk di exchange market, huar di „Schüttelköm“, man uk di „Teepunsch“ rocht bekäänd weesen san.

Bi det juarelks forsaamlang faan a JEV as Jenny Jürgensen üs ööder föörmaan turagtreeden, man wi freue üs, dat Berit Nommensen mä bluat ian blank stem üs „Convenor for Enlargement“ weelet wurden as. Wi besoonke üüs bi Jenny för hör insats bi a JEV an wanske Berit ales guuds för a naist tau juar uun a sjüür faan a JEV.

För Svenja Schüle as at det iarst JEV seminar weesen, man hat foonj det rocht gud an wi hööbe, dat Svenja a Rökefloose uk uun a naist juaren trau blaft.

P1100868

Comments are closed.