Floiten for amatööre

voices2011Twasche 29 schäip, twäär haingste än en lait frisch loonluft wus jarling et Voices of Europe önj Ingelum önj Weestfraschlönj. En waag lung lüpen arken däi eedermjarns da 30 motiwiirde diiljnaamere as da gäis foon jare unerkamst tu e schörk önj Ingelum. Arken däi ööwed e koor önj e schörk. Önj bloot en påår deege schölj e schungfloose möre stöögne inööwe. Di clue…arks manerhäid, wat diiljnüm, heet en sung önj san äinen spräke üt e hiimstoun mabroocht. Besuners swåår wus et tum biispel en spreeg e kaschubische sung üt Poolen „Drëszë wprzódk púdzemë wbiôtk“ ouerhood üt. Da nordfrasche wjarn ma e sung „Dåt dü man liifste bast“ fertrin.
E dirigänt Peter Shannon hååld et beest üt e amatöörkoor rüt än bait iinje wörden da trii kontserte uk tu en erfålg – et kömen süwat 300 besäkere tu e aptreese.
Ouers ai bloot et schungen stöö awt program. Et organisatsjoonsteam foon e FYK häi ålerhånd lokaal tüpische aktiwitääte inploond: Keatsen, Fierljeppen (sprängen ma e plumperstook) än bait oiesmiten muurst enarken iinjsen en ra oi ääse. Wat huum uk ai ferjeese mötj, as e ääwentüürlike säägeltörn, wat bai di iine än oudere ai suner malöör ouflüp.
Bait iinje koon huum seede, et wus en bröket waag, wat for ålem e rees fordid heet.
En tunk gungt tu åål diiljnaamere: Sorbe, kaschuube, söödslaswikere, aromuune, Wlache än sloweene, wat sü gödj masüngen hääwe. Än natöörlik tu e koorliidjer än tuläide iire, Peter Shannon, wat üs åltens bai laune hülen heet. En gruten tunk tut orga-tiim foon e FYK, wat et fain waag for üs aw e biine stald heet.
Än heer nuch en kort apnaame foon „Dåt dü man liifste bast“:

Comments are closed.