Üüljiirseen 2010

silvester2010Ouerdåt we et üülj iir ütklänge än et nai iir ordi fiire wänj, füngen we e toochte än seet üs ma da nord- än säädslaswikere tuhuupe än organisiir en gränsouergripen event.
Iinj e hunger wörd en raklät-ääsen aw e biine stald än for e gou laune jäif et latje fästspale. Natöörlik mötj bai en rucht nordfrasch üüljiirseenfiir et rumelputluupen ai breege. Gau wörden üt e diiljnaamere ma äinmåågede neebe än fätj en ruchten rökefloose. Önjt toorp kömen e ferkluusinge di gödj önj, ouers ja hülen et ärj jülmounenswääder ai lung üt.
Am madnåcht wörd et nai iir ma säkt än en füürwärk begrööted. Lääser di een jäif et nuch en latj sensatsjoon, ouerdåt ån foon e geeste büte såågend wörd. E politii wörd alarmiird än et jäif en grut stahoi. Tum luk düked e foomen eefter en knååp stün wi ap än ferteeld, jü häi bloot en batje önjt auto släipen. Luk hädj!
Åles tuhuupe wus en lukeden än kulturäl bröket fäst.

Comments are closed.