YLS 2010 önj Bleiburg / Ååsterrik

yls2010Di 13ste septämber 2010 måågeden jam Jenny Jürgensen, Hiltje Boysen än Jana Ewaldsen aw e wäi tut harfstseminåår foon e JEF/YEN eefter Bleiburg / Pliberk. Tujarst kjarden we tu e Hamborjer Fluuchhuuwen än fluuchen foon deer eefter Wien. Deer gäng et dan ma e such widere aw e lung räis eefter Bleiburg. Oudere frasche as Momme än Berit Nommensen, wat aw en ouder årt än wis eefter Bleiburg räiseden, wjarn uk uner e diiljnaamere.

Wi wörden unerbroocht önj e Campus Futura, en kliimafründlik jöögedherbärje. Dåt wus dan for e diiljnaamere en modärn än unerhüüljen unerkamst.

Et seminåår stöö unert teema „We do not fear“, wat uk teema foon e ünlike årbesfloose wus. Widere liirden we önj e årbesfloose uk et sloweensch koogen, sloweensche spräke än e sloweensch följkensmusiik kånen. Oudere programpunkte wjarn t.b. en freeslik demonstratsjoon önj Klagenfurt, en besäk foon en tånkstää for partisaane än foon oudere kulturäle inruchtinge.

Comments are closed.