Surfexchange 2009

surfexchangeFaan a 31. jüüle bit tu a 7. august wiar wi bi a jungenSpitzen tu’t iarst Surf-Exchange uun a histoore faan a europeesk manerhaiden nuadigt. Dön gud 30 dialnemer saat jam tup  ütj Rätoromanen, Kaschuben, Burgenlandkroaten, Arumunen, Nuurdfresken, Südschleswiger an uk hög Nordschleswiger.  Oner det motto „Surfing Europe 2009“ draapt wi üs ale uun det letj taarep Schelde uun Nordschleswig. Juarling  sted oober ei bluat de kultüürel ütjbütj uun a föördergrünj, man uk det surfin skul dön dialnemer bibroocht fu.
Det surfin salew wiar ei uun Schelde, diarföör skul wi arken dai hen efter Flensborig. Det hee oober neemen wat ütjmaaget, auer ’am ham uun detdiar gud stünj keeren uk onerenöler wat naier keenenliar küd. Bi´t weeder uunkimen wurd wi tu´t surfin uun tau sköölen apskaft. So küd ham dön lidj ütj a beriger tu det eelement weeder wene an dön ölern bi a strun lei of volleybal spele. Am ei rocht ütj a püst tu kemen, wurd uk hen an weler ens bi a strun grilet.
Am uk ens en betj muar faan a lunskap tu sen tu fun, keert wi een dai hen efter Haitabu uun´t Wikingermuseum. Diar fing wi en feering troch det ual Wikingergebiet an dön Siedlungen, wat diar tu hiar. De tumade joow at do wat feins tu iidjen uun de nuurdelsk kruch faan Tjiisklun, a „Hansens Brauerei“. Kurt efter wiar en skapstuur tu a Ochseneilunen ploonet, huar wi do uk gliks faan By en histoorisken föördrach auer a eilunen tu hiaren fing.
Bitu faan´t surfin wiar uk  „CO2-freies Sonderburg“ teema faan a exchange. Diartu haa a dialnemer en letjen föördrach auer jar regionaal klimasituatjuun maaget am diarauer tu diskutiarin. Dön injer küd ’am ham do bi en fotokreativworkshop, de traditionellen Exchange Market an Livemusik (mä an spontan Einlage faan a Rätoromanen) faan´t surfin ferhaale.

Comments are closed.