Pooscheseminåår 2009 önj Modra / Slowakei

osterseminarEefter üüsen fluuch foon Hamborj eefter Wiin än e bustuur eefter Bratislava wörden we foon en amtoochtien buskäärer önj üüsen klåperie bus eefter Modra broocht. Jüst eefter e önjkamst önj e måålerisch loonschap foont grutst winbaggebiit foon e Slowakai wörden we önj en sliik studäntehüs unerbroocht. Gliks di läädere däi kjarden we tu en regiiringssat aw e näide foon Modra, weer ma maning ofitsjäle geeste e 25ste iirdäi foon e JEF än e 60ste iirdäi foon e FUEF fiird wörden.
Aw en ofitsjälen exchange-market psäsentiirden jam heer uk e manerhäide for geeste. Eefter e fiir begand önj e näiste deege et seminaarprogram unert teema „fånteen foon e kultuur“. Önj diheere rååme beseechten we Bratislava, e hoodstöö foon e Slowakai än füngen wilt en gou fääring en löke önj e üüljstää. Di läädere däi jäif et en politisch rulespal, weer da diiljnaamere as fertreesere foon ünlike FN-stoote diskutiirden, weer et schöölen foon manerhäide en diilj foon e statuute wårde schölj.
Eefter en lung hoodfersoomling jäif et dan di iirleeste een di lung ferhoowede exchange-market. Heer häin åål diiljnaamere e möölikhäid än liir da oudere manerhäide bääder kånen.
Tut iinje foont seminaar häi IkeJa en spånktuur tu en üülj sloot önjt hoolting bütefor Modras än en fain oufslusfiir ma en musiikfloose ploond. Eefter en kort nåcht gäng et for e nordfrasche am huulwe fiif dan uk wi tubääg eefter e weestsiikånt.

Comments are closed.