Snowexchange 2009

snowexchange2009Iir et foor me eefter Graubünden gäng, heef ik nuch en poor deege önj Zürich verbroocht. Ma Fabs funn e SDU ban ik dan ma e zuch eefter Graubünden kjart. Önjkiimen önj Waltensburg/Vuorz, heewe we gliks da weestfrasche dråwet. Tohuupe heewe we nuch wat dräänken, iir et ma e bus eefter e herberge gäng. Ik heew en dornsch ma da westfrasche diilt. E hiil herberge wus primitiv, ouwers direkt tubai e ski än snowboard piste. Önt gehiil wjarn we en naten floose fun mansche foon e MOSP, FYK, junge SPitzen, SDU, HAK än natöörlik e GiuRu. Da naiste deege wjarn we quasi e hiile däi arw e piste. Enarken önj sinj floose, of foor da profis uk aliine. Bloots tut eesen, schlaipen än et eenprogram wus enarken wider önj e herberge. Tumbaispaal heewe we wat ouwer en trekkingtour önj Nepal hiirt, en Romantsch quiz mauget än uk en latjen exchangemarket. Inj däi wus dan pistenfrii däi, weer we döör e bärje wandert san. Aawedri wus nuch tiid am en latj hokey tu spaalen. Önjt gehiil wus e Giuru ouwermätje hilfsbereit än gedudlig ma da wat nuch uler snowboarden of skikäären wjarn. Ma en latj luk, faue we önj tau iir wider en inloosing.

Comments are closed.